دنيا الغلابةزحام زحام زحام
ولا حد شايف حتى ظله
والصمت مليان بالكلام
والكل شارد بعقله
والدايرة تبدي وتنهي
والكل واقف محله
محصور ما بين الوظيفة
طلبات لبيته وأهله
مصاريف مدارس وجامعة
والفقر معاه زي ظله
مسكين مواطن وكادح
ولا حد شايفه ومنتبه له
هايم وضايع في الظلام
توهان ما بعده وقبله
فقير ما ينفع فقير
وغني يشوطه برجله
والدنيا مش للغلابة
ولا الفقير اللي مثله
صنايعي بنا وموظف
الدين ملازمه ولازق له
بقال وخضري ديونهم
من راسه توصل لرجله
أسعار بترمح لفوق
والأجر واقف محله
ما يكفي شقة ومواصلة
والباقي من فين يجيب له ؟
يجري يدور له شغله
آخر النهار جايز تجيب له
مبلغ اضافي يسد قوته
يعوض الدين اللي قبله
**************
على النقيض تلقى ناس
سابحين في دنيا الخيال
الدنيا ملكوها بايديهم
نفوس كبيرة وكتر مال
لو راح مكان الكل واقف
يستقبلوه زي الهلال
يوفروا له المتعة فيه
يسهلوا له الإنحلال
يدوس على قلب الغلابة
يطيح في الكل يمين شمال
يشخط وينطر حتى يضرب
ووراه تيران من غير حبال
بودي جارد إيه ؟ دا الخوف ماليه
من شخطة يجري زي العيال
أصله مدلل وأبوه حرامي
وهوا فاشل من غير سؤال
بالغش ينجح بالواسطة يشطح
ويعيش في جهله زي البغال
أكله حرام .. شربه حرام
عيشته حرام على أي حال
***************
أشرب يا ناس من أي كاس ؟
لا الفقر نافع ولا غيره نافع
فين الإجابة لدا السؤال ؟؟؟
ولا حد شايف حتى ظله
والصمت مليان بالكلام
والكل شارد بعقله
والدايرة تبدي وتنهي
والكل واقف محله
محصور ما بين الوظيفة
طلبات لبيته وأهله
مصاريف مدارس وجامعة
والفقر معاه زي ظله
مسكين مواطن وكادح
ولا حد شايفه ومنتبه له
هايم وضايع في الظلام
توهان ما بعده وقبله
فقير ما ينفع فقير
وغني يشوطه برجله
والدنيا مش للغلابة
ولا الفقير اللي مثله
صنايعي بنا وموظف
الدين ملازمه ولازق له
بقال وخضري ديونهم
من راسه توصل لرجله
أسعار بترمح لفوق
والأجر واقف محله
ما يكفي شقة ومواصلة
والباقي من فين يجيب له ؟
يجري يدور له شغله
آخر النهار جايز تجيب له
مبلغ اضافي يسد قوته
يعوض الدين اللي قبله
**************
على النقيض تلقى ناس
سابحين في دنيا الخيال
الدنيا ملكوها بايديهم
نفوس كبيرة وكتر مال
لو راح مكان الكل واقف
يستقبلوه زي الهلال
يوفروا له المتعة فيه
يسهلوا له الإنحلال
يدوس على قلب الغلابة
يطيح في الكل يمين شمال
يشخط وينطر حتى يضرب
ووراه تيران من غير حبال
بودي جارد إيه ؟ دا الخوف ماليه
من شخطة يجري زي العيال
أصله مدلل وأبوه حرامي
وهوا فاشل من غير سؤال
بالغش ينجح بالواسطة يشطح
ويعيش في جهله زي البغال
أكله حرام .. شربه حرام
عيشته حرام على أي حال
***************
أشرب يا ناس من أي كاس ؟
لا الفقر نافع ولا غيره نافع
فين الإجابة لدا السؤال ؟؟؟
